Kenmerke van Christene

'n Persoon wat "Ja" gesê het vir die Here se uitnodiging om Sy kind te word, dus tot bekering gekom het, leef vanaf daardie bepaalde moment 'n lewe wat voluit toegewy is aan Hom. Daardie persoon se leefstyl, dade, woorde, gedagtes, ja, alles word aan Jesus se voete neergelê tot eer van die Vader. Tekens van 'n persoon wat onder die genadegawes van die Here woon is onder andere die volgende:

Die persoon getuig van die Here se genade in sy/haar lewe
Die persoon lees gereeld die Bybel en leef dit in sy/haar lewe uit
Die persoon sal soms, sommer uit die bloute, iets goeds doen vir ander mense, sonder om noodwendig iets terug te verwag
Die persoon betoon respek vir God en sy naaste
Die persoon is rustig
Die persoon is vriendelik
Die persoon is nederig
Die persoon is dankbaar
Die persoon is hulpvaardig
Die persoon toon kompassie met ander
Die persoon toon vergifnis teenoor ander
Die persoon leef 'n skoon, morele lewe wat vir almal wat hulle ken, sigbaar sal wees

Die bostaande lys is maar net enkele dinge en kan met nog baie ander aangevul word. Bogenoemde is alles aksies wat soos rigtingwysers ons en ander na God toe wys. Christene staan reg deur die eeue uit as unieke mense wat die enigste ware God aanbid.

Laat ons dan voluit leef in ons Christenskap en tot eer van die Here. Leef vir die Here en ervaar Sy wonderlike leiding, versorging en liefde in jou lewe.

Romans 14:8-9 ― Geneva Bible 1599

8 For whether wee liue, we liue vnto the Lord: or whether we die, we die vnto the Lord: whether we liue therefore, or die, we are the Lords.

9 For Christ therefore died and rose againe, and reuiued, that he might be Lord both of the dead and the quicke.